Се повреди на три месеци пред СП – ѕвездата на Баерн во солзи го напушти теренот

Извонредната победа на Баерн над Аталанта со 6:1 во Бергамо беше засенета од непосакуван настан – повредата на Алфонсо Дејвис, кој го напушти теренот со солзи во очите, предизвикувајќи загриженост во клубот и канадската репрезентација.

Само три месеца пред почетокот на СП, каде што Канада ќе биде еден од домаќините, оваа ѕвезда на баварскиот клуб се соочи со уште еден неубав момент. Неговата реакција додека ја напушташе играта во 71. минута говори многу за сериозноста на ситуацијата.

Левиот бек се приклучи на натпреварот во второто полувреме, но по кратко време почувствува болка и мораше да биде заменет. Иако постои стравување за најлошото, крајната дијагноза ќе биде утврдена по деталните лекарски прегледи.

Ufff, qué momento tan desgarrador. Alphonso Davies saliendo entre lágrimas después de sufrir otra lesión muscular con el Bayern Munich. En febrero, se lastimó. Hoy volvió a las canchas y dio una asistencia. Lamentablemente, ni siquiera pudo completar 30 minutos en el campo. Una… pic.twitter.com/GzKVDl1wgn

— Invictos (@InvictosSomos) March 10, 2026

Ова не е првата сериозна повреда за 25-годишниот фудбалер. Во минатото веќе имаше долго отсуство поради проблеми со коленото, што му го одзеде местото во стартниот состав на тимот од Минхен. Сега сите се надеваат дека новата повреда нема да биде сериозна и дека Дејвис ќе се врати подготвен за претстојните предизвици во клубот и на Мундијалот.