Сајнц во проблеми: Сѐ уште не се чувствува удобно во болидот на Вилијамс

Карлос Сајнц призна дека сѐ уште не е целосно прилагоден на својот болид на Вилијамс по разочарувачките квалификации за спринт трката на Големата награда на Кина.

Шпанецот пристигна во Вилијамс од Ферари за време на зимата, а во предсезонските тестирања покажа ветувачки ритам.

Меѓутоа, сезоната ја започна неславно – во Австралија имаше незгода зад безбедносниот автомобил, додека во Шангај заврши на 13. место во спринт квалификациите.

Неговиот тимски колега Алекс Албон успеа да влезе во топ 10, додека Сајнц се мачеше со балансот на болидот.

„Целиот ден имав проблеми со балансот и двете сесии беа прилично тешки,“ рече Сајнц.

„Во спринт квалификациите имавме неколку проблеми, вклучувајќи чудно чувство со седиштето на кое ќе обрнеме внимание, но сето тоа се сведува на тоа што сѐ уште не се чувствувам како дома во овој болид.“