Навивачите на Реал Мадрид беа изненадени од фактот што Витор Муноз, 21-годишник овојпат влезе на теренот во завршницата на Ел Класико, што беше негов дебитантски меч за тимот на Реал. Шпанските медиуми велат дека навивачите не разбрале како тој добил предност пред Родриго.
Бразилецот, крилниот напаѓач кој вреди 100 милиони евра, остана на клупата целиот натпревар. Оваа сезона Карло Анчелоти го користеше Родриго на 50 натпревари во кои Бразилецот постигна 13 голови и додаде 10 асистенции.Се пишува последниве денови дека Родриго може да го напушти Реал и дека Манчестер Сити е заинтересиран да го донесе. Денес се објави дека одлуката да не настапи во мечот против Барса (победа на Каталонците со 4:3) ја донел самиот.
Учиме по најтешкиот пат: Со едукација за заштита и спасување до спречување на трагедии! ↓↓↓
Се потсетува дека Анчелоти во саботата, помалку од 24 часа пред натпреварот, изјави дека Родриго е подготвен, дека добро тренира и дека е во комбинација за дербито. “Постојат шанси да биде во стартната постава”, изјави италијанскиот стратег.
По натпреварот тој објасни зошто Родриго не доби никакви минути: “Се опорави, но не се чувствуваше добро. Да го пуштев во игра за шест или седум минути само ќе ја зголемеше можноста да се повреди.”
Според пишување на дел од шпанските медиуми, одлуката да не настпи на Ел Класико била одлука донесена од играчот. Тој му кажал на Анчелоти дека не се чувствува енергичен за овој натпревар, но и дека психичките не е подготвен за него.
„Марка“ заклучува дека со оглед на прашањата околу компатибилноста со Килиан Мбапе и Винисиус Жуниор и интересот од Англија, не е невозможно да се очекува растaње на клубот и играчот. Тоа ќе зависи и од тоа што мисли идниот тренер Чаби Алонсо.
Учество во игри на среќа е дозволено за лица со 18+ години. Играј одговорно!