ЕХФ неделата што следува во октомври ќе биде прва работна за машките репрезентации, а Македонија ќе ја искористи како старт на подготовките за големиот предизвик – Европското првенство во јануари во Данска. Нашата селекција ќе игра во Хернинг, а првите тестови ќе ги има дома, во двомеч против Јапонија.
Првиот човек на РФМ, Александар Стефановски, најави дека обврските околу репрезентациите продолжуваат и по „Трофеј Македонија“.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
„До крајот на годинава не очекуваат уште неколку важни настапи – У18 селекцијата во Луксембург ќе игра квалификации за ЕП 2026, со јасна цел да обезбеди пласман, додека У19 ќе одмери сили со Словачка во пријателски натпревари. Кај сениорите, закажавме двомеч со Јапонија на 30 октомври и 1 ноември, со што ќе стартуваат подготовките за континенталниот собир. Наскоро ќе одржиме состанок со селекторот Кирил Лазаров за финализирање на планот и сите детали пред шампионатот во Данска“, изјави Стефановски.
Директорот на репрезентациите, Филип Миркуловски, додаде дека е постигнат договор за продолжување на соработката со сите селектори, вклучувајќи го и Лазаров, а останува само потпишувањето на новите договори.
Учество во игри на среќа е дозволено за лица со 18+ години. Играј одговорно!