Рафа одговори на вечното прашање: Кој беше најдобар од големата тројка?

Рафаел Надал смета дека e вториот најдобар тенисер во големата тројка. Подобар од Роџер Федерер, послаб од Новак Ѓоковиќ.

Шпанецот повеќе пати го има победено Швајцарецот, а има и повеќе Гренд Слем титули од него, додека против тенисерот од Србија во двата аспекта е во дефицит. Сега, првпат по пензионирањето, проговори за овие две големи ривалства.

Ѓоковиќ, Федерер или Надал – кој е најдобар со 35+ години?

„Мечевите против нив двајцата беа потполно тактички различни,“ објасни во подкастот на Енди Родик.

„Со Роџер тактиката беше едноставна. Затоа моето ривалство со Федерер беше поатрактивно за навивачите отколку со Новак, иако со овој вториот играв повеќе пати.“

„Тој пробуваше една работа, јас пробував друга,“ продолжува Надал, кој се повлече во ноември, на завршниот турнир на Дејвис Купот во Малага.