Најдобриот српски тенисер Новак Ѓоковиќ се пласираше синоќа во трето коло на мастерс турнирот во Индијан Велс, откако, по пресврт, го победи Полјакот Камил Мајцак со 2-1 во сетови (4:6, 6:1, 6:2).
Мајцак во првиот сет освои само еден брејк, но го задржа до крајот.
Street Workout Macedonia – Движење што гради сила, карактер и издржливост | Уште еден поткаст
Во вториот сет Ѓоковиќ направи два брејка, поведе со 5:0 и потоа рутински го заврши сетот.
Борбата се разгоре во одлучувачкиот сет, тенисерите ги чуваа своите сервиси до резултатот 2:2, а тогаш Новак со брејк во најдолгиот гем на мечот ја преобрати ситуацијата. Следеше уште еден брејк за водство 5:2, по што Ѓоковиќ сервираше за конечни 6:2 во одлучувачкиот сет.
Во третото коло Ѓоковиќ ќе игра против Американецот Александар Ковачевиќ, кој претходно во саботата со 6:1, 6:4 го победи Французинот Корентен Мути.
И првиот тенисер во светот Карлос Алкарас се пласираше синоќа во трето коло, откако го победи бугарскиот играч Григор Димитров со 6:2, 6:3.
Учество во игри на среќа е дозволено за лица со 18+ години. Играј одговорно!