Фудбалерот на Ливерпул Мохамед Салах, според британските медиуми, треба да потпише нов договор со клубот.
Иако постои страв дека Салах би можел да го напушти клубот од „Енфилд“ ова лето како слободен агент, изгледа дека е постигнат договор помеѓу него и Ливерпул.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Пред неколку дена се појавија информации од Египет за неговото останување во Ливерпул, а сега и „Мирор“ пишува дека договорот е постигнат. Имено, најдобриот играч на тимот оваа сезона треба да потпише нов, двегодишен договор со клубот. Предлогот на Салах и неговиот агент Рами Абас беше за тригодишна соработка, но раководството на Ливерпул се стремеше кон договор за една година.
На крајот, се договориле за средина и договорот ќе биде потпишан до 2027 година, иако не е познато дали ќе добие покачување повеќе од 400.000 фунти неделно, колку што заработува според актуелниот договор.
Салах е еден од најдобрите фудбалери во историјата на Ливерпул, според многумина. Досега има постигнато 226 голови на 370 натпревари. Оваа сезона е блескав со 15 голови и 12 асистенции.
Учество во игри на среќа е дозволено за лица со 18+ години. Играј одговорно!