Откажан натпревар во НБА: Поранешната ѕвезда остана без дом по пожарот во Лос Анџелес

Тренерот на Лос Анџелес Лејкерс Џеј Џеј Редик остана без покрив над главата по големите пожари кои го зафатија градот.

Инсајдерот во НБА, Шамс Шаранија, известува дека Редик е еден од многуте кои ги загубиле своите домови, како и дека натпреварот закажан за синоќа помеѓу Лејкерс и Хорнетс е одложен.

Не се знае кога ќе се одигра натпреварот, бидејќи кошарката не е најважната тема во Лос Анџелес во моментов.

Џеј Џеј Редик во својата НБА кариера играше за шест екипи, а во кариерата има просек од 12,8 поени и 41,5% процент на шут за три поени, што беше негова специјалност.