Октако им пропадна размената за Марк Вилијамс, Лос Анџелес Лејкерсите побараа нов центар на пазарот на слободни играчи и го најдоа во 31-годишниот, 213 см висок Украинец Алекс Јен.
Три и пол години Алекс Јен ги помина во Сакраменто кингс како трет центар, а оваа сезона во 36 настапи постигнуваше 1.4 поени и 1.8 скокови за седум минути игра. Последниот ден од преодниот рок, Кингс го разменија во Вашингтон Визардс, кои му го раскинаа договорот и му овозможија да потпише за минималец во нов клуб.
Традицијата продолжува, се трансформира - Pinko Crafts ↓↓↓
Кариeрата на Јен во НБА трае веќе 12 сезони, а ја помина во Феникс, Атланта, Сакраменто, Торонто и Вашингтон, пред враќањето во Кингсите летото 2021 година. Во 680 натпревари има просек од 6.7 поени и 5.3 скокови.
Иако не е звучно име, Јен ќе биде корисен за Лејкерс до крајот на сезоната откако во шокантната размена за Лука Дончиќ останаа без првиот центар Ентони Дејвис.
Учество во игри на среќа е дозволено за лица со 18+ години. Играј одговорно!