Oдлични вести за Васоски: Аврамовски е спремен да дебитира

Викендов екипата на Александар Васоски, Сараево го игра градското дерби против Железничар. Пред овој натпревар македонскиот стратег доби добри вести.

Имено, според информациите на босанскиот портал „спортспорт.ба“ Васоски за овој натпревар ќе го има на располагање Даниел Аврамовски.

Аврамовски имаше проблеми со дозволите за престој и работа во БиХ меѓутоа сега е подготвен за деби во новиот клуб. Се најавуваше дека Аврамовски може да дебитира и денес против Слобода во купот, но шансите за тоа се мали.

Ќе потсетиме, Аврамовски без клуб беше од септември откако си замина од турскиот Кајзериспор каде што помина една сезона.