Нуњез е херој на Ливерпул – со два гола го суреди Брентфорд

Ливерпул славеше на тешкото гостување кај Брентфорд, обезбедувајќи победа од 2-0 во рамките на 21. коло од англиската Премиерлига. Херој на „црвените“ беше Дарвин Нуњез, кој ги постигна двата гола и донесе значајни три бода за својот тим.

Брентфорд се покажа како цврст и незгоден противник, успешно парирајќи му на лидерот на табелата речиси цел натпревар. Домаќините имаа неколку ветувачки шанси, особено во второто полувреме, но не успеаја да ги искористат.

Отпорот на Брентфорд беше скршен дури во судиското продолжение, кога Нуњез ја демонстрира својата голгетерска форма и ја осигура победата за тимот на Арне Слот.