Нејмар се налути и нападна новинар: Уште една измислена вест!

Бразилецот Нејмар (33) повторно е во центарот на вниманието, но овој пат не поради неговите вештини на теренот, туку поради бурната реакција на социјалните мрежи. Тој го нарече извештајот „чиста лага” и жестоко го нападна новинарот поради наводите дека му се извинил на тренерот откако бурно реагирал на измената за време на натпреварот со Сантос, за што категорично негира дека се случило, објави Goal.com.

Целиот инцидент бил предизвикан од статија на спортскиот портал Globo Esporte, во која се тврди дека Нејмар го повикал тренерот Хуан Пабло Војвода за да му се извини за својата реакција при поразот од Фламенго минатиот викенд, кога отворено го покажал своето незадоволство откако бил заменет. Нејмар го оспорува ова, пишувајќи: “Уште една лажна вест измислена од проклетиот новинар!!!”

O Fim do Neymar é patético, mas o fim do Santos é mais patético ainda.

Neymar saiu reclamando, botou pressão pra cima do tecnico e foi direto pra o vestiário enquanto toma 3.

O cara patético em fim de carreira manda e desmanda no clube.

Santos acabou, que bagulho patético. pic.twitter.com/XGhcdHwSw4

— Ceo Da Acarajé (@AcarajeCeo) November 9, 2025

Нејмар се соочи со критики заради својата игра при поразот на Сантос од Фламенго 3:2. Шпанскиот весник Diario AS го опиша како „бавен” и предупреди дека го очекува тешка битка за местото во бразилската репрезентација која ќе ја води Карло Анчелоти на Светското првенство следната година.

“По враќањето во стартниот тим, Бразилецот изгледаше без динамика и ритам, дури и ја попречуваше играта на своите соиграчи. Изрази незадоволство од замената. Ако брзо не ја поврати својата форма, ќе му биде тешко повторно да го облече дресот на бразилската репрезентација за следното Светско првенство.”

Поранешниот играч на ПСЖ беше отсутен скоро два месеца од играње за Сантос поради повреда на мускулите, која го спречи да одигра седум натпревари. Се врати кратко во ремито против Форталеза пред да пропушти уште еден натпревар.

Оваа долга пауза се одрази на неговата игра против Фламенго. Сепак, покажа моменти на квалитет со опасен слободен удар и удар со глава кои за малку ќе донесоа изедначување”, истакнува AS.

Управата на Сантос застана во одбрана на својата ѕвезда, а Александар Матос, извршниот директор на клубот, на Инстаграм објави порака: “Гениите никогаш не се разбрани, тоа е од секогаш така во историјата на човештвото. Тие размислуваат напред, прават работи поинаку, креираат промени… Привлечени се од предизвици, од цели кои ретки успеваат да ги постигнат…”

“Оставаат наследство, создаваат историја… Но тие се, исто така, луѓе, грешат и се поправаат, се смеат и плачат, имаат чувства, срце, дишат, живеат и се борат со ударите на животот… Ти си таков, гениј… Оние кои те познаваат знаат каков човек си, какво срце имаш, каква скромност изразуваш, грижата што ја имаш за сите, како татко и пријател си…”

“Се обидуваат да те поразат, не можат, се обидуваат да те урнат, ти се издигаш, секогаш растеш повеќе од сèбе, затоа што имаш Бог во срцето… Добра енергија… Брате мој, никогаш нема да бидеш сам… Биди сигурен дека сум тука, заедно да ги примаме ударите на животот…”

“Твоето семејство е тука, твоите пријатели се тука, твоите сопатници… Те почитувам и обожавам, и ја те, и сите кои те познаваат, милијарди низ светот кои сонуваат да бидат како тебе… Тоа го заслужи, го заслужуваш… Тешките моменти ги прават луѓето посилни!! Секогаш сум со тебе!! Во добро и зло… Ние сме!!!”