Навивачите на Барселона можат да слават: Еден од најважните во тимот потпиша нов договор!

Фудбалерот на Барселона, Педри, го продолжи договорот до 30 јуни 2030 година, соопшти каталонскиот клуб.

Во соопштението се наведува дека Педри го продолжи договорот со Барселона во присуство на претседателот на клубот Жоан Лапорта, потпретседателот Рафа Јусте и спортскиот директор Деко.

Финансиските детали од договорот не се објавени.

Педри (22) во Барселона дојде во 2019 година од Лас Палмас. Тој има одиграно 174 натпревари за Барселона и постигнато 24 гола.

За репрезентацијата на Шпанија настапил на 30 натпревари и два пати се запишал во листата на стрелци. Со Шпанија го освои Европското првенство во Германија во 2024 година.

🚨🔵🔴 Официјално, потврдено. Педри потпиша нов договор со Барселона до јуни 2030.

Следни: Педри, Иниго Мартинез, Ламин Јамал. pic.twitter.com/U2uJ79Zawm

— Фабрицио Романо (@FabrizioRomano) 30 јануари 2025