На Кунде не му беше јасно што прави Флик: Зошто сега тој влегува во игра?

Барселона се прости со Лигата на шампионите по поразот на Џузепе Меаца против Интер (4:3), а во центарот на вниманието се најде Жил Кунде, кој го следеше натпреварот од трибините и многумина чуја што изјави кога виде каква замена направи Ханси Флик.

Барселона и Интер одиграа едно од најдобрите полуфиналиња во историјата на Лигата на шампионите во кое видовме дури 13 голови, а на крајот италијанскиот клуб се пласираше во финалето со вкупен резултат 7:6.

Во реваншот Интер повторно успеа да поведе со 2:0, но Барселона во второто полувреме го сврти резултатот на 3:2 и беше на чекор од пласман во финале.

Сепак, Интер преку Ачерби во 93-та минута изедначи на 3:3 и обезбеди продолженија, каде што Фратези беше херој, бидејќи успеа да постигне гол за 4:3 и пласман на Интер во големото финале.

Флик во Милано не можеше да смета на неколку првотимци, меѓу кои беше и Жил Кунде. Французинот сепак беше на трибините да искаже поддршка за својот тим.

При резултат 2:3 во судиското продолжение Флик одлучи да направи замена која го изненади и Кунде, и многумина можеа да слушнат што изјави францускиот дефанзивец.

Имено, Флик го внесе Роберт Левандовски наместо Феран Торес и не внесе дефанзивец за да се фокусира на одбрана, што беше очекувано. Но, влегувањето на Левандовски го изненади Кунде поради уште една причина.

Познато е дека Полјакот штотуку се опорави од повреда и не беше на 100%, а со оглед на резултатот и фактот дека врнеше силен дожд, Кунде не можеше да се начуди на потегот на Флик.

“Не знам зошто игра. Не би требало да игра во вакви услови. Не ми е јасно зошто го внесе”, наводно прокоментирал Кунде кога Левандовски влезе во игра.

🚨 Жил Кунде на трибините кога Левандовски влезе на терен против Интер:

“Не знам зошто игра. Не би требало да игра во ваква состојба.”

[@CatalunyaRadio] #fcblive pic.twitter.com/o8ESKXcrZw

— BarçaTimes (@BarcaTimes) May 8, 2025