Го посакуваат долго време: Салах го избрал новиот клуб!

Фудбалерот на Ливерпул, Мохамед Салах, ќе биде слободен агент следното лето, а веќе од јануари ќе може отворено да преговара со кој било друг клуб.

Извонредниот крилен напаѓач ужива и оваа сезона и не крие дека би сакал да остане во Ливерпул. Доста е транспарентен кога зборува за својата иднина, истакнувајќи дека сѐ уште не добил конкретна понуда за останување во клубот. Сето ова додека има 13 постигнати голови и 11 асистенции во сите натпреварувања.

Навивачите на Ливерпул се нетрпеливи и сите делат исто мислење – Салах мора да остане на “Енфилд” барем уште две или три години. Но, според информациите на француските медиуми, постојат големи шанси тој да ја продолжи кариерата во Пари Сен Жермен.

Најверојатно, парискиот клуб и Египќанинот се во контакти долго време, но никогаш не се укажа ваква шанса да се спојат. Првиот човек на Парижани, Насер Ал Келаифи, е во одлични односи со Мохамед Салах, а контактите се подобрени преку медиумите, односно популарната телевизија “beIN Sports” која е во сопственост токму на Ал Келаифи. Имено, Салах е чест гостин пред камерите на оваа куќа на големите натпреварувања што токму произлегува од односот меѓу него и првиот човек на ПСЖ.

Францускиот великан ги негира информациите на “Екипа” верувајќи дека веста е пуштена за да се подигне притисокот врз Ливерпул да ги забрза преговорите со својот најдобар играч.

Доколку Салах сепак го продолжи договорот со Ливерпул, тоа ќе биде на две или три сезони и Пари Сен Жермен повеќе нема да има шанса да го ангажира, имајќи предвид дека крилниот фудбалер ќе влезе во завршните години од кариерата.