Meдиумите откриваат: Меси бил толку лут што дури заплакал во соблекувалната?

Барселона вчера беше потопена на „Енфилд“, Ливерпул ги победи Каталонците со 4:0 и обезбеди место во големото финале во Мадрид.

Во вчерашното сивило на Каталонците се вклопи и нивниот најдобар фудбалер, Лионел Меси кој го одигра еден од најслабите натпревари во кариерата.
Аргентинецот во реваншот буквално исчезна, а бројките доволно зборуваат колку лошо одигра најдобриот играч на Барселона.

Меси имал 63 допири со топката (помалку од Александер-Арнолд, Алба, Бускетс, Роберто, Пике, Милнер, Ракитиќ и Фабињо) што е најмала бројка за него оваа сезоа.

Покрај тоа имаше само 41 додавање (просекот во Лигата на шампионите му е 60), од тие 41 додавање шест беа неточни. Меси пет пати шутирал кон противничкиот гол, од кои два удари иделе во рамките од голот, а заработи само еден прекршок.

Меѓутоа она што најмногу паѓа во очи е што Меси имаше дури 17 изгубени топки, само Жорди Алба имаше повеќе од него (21).

Поради поразот на неговиот тим и тоа што слабо одигра Меси беше видно разочаран, не се ни поздрави со противникот и побрзо во соблекувалната.

„Гардијан“ пишува дека капитенот на Барселона дури и заплакал во соблекувалната. Во целото разочарување морал да направи и допинг тест поради што тимот си заминал пред него.

Медиумите пишуваат и дека на заминувањето Меси се сретнал со навивачи на Барселона со кој влегол во мала вербална расправија.

Lionel Messi broke down in tears in Anfield dressing room after Barcelona's Champions League exit https://t.co/W9Ksu0egO3

— Guardian sport (@guardian_sport) May 8, 2019