Македонија повторно би можела да биде дел од голема ракометна приказна. Како што најави претседателот на Ракометниот сојуз на Словенија, Бор Рожман, на денешната панел-дискусија во Љубљана, постои реална можност нашата земја да биде ко-организатор на Европското првенство во ракомет за мажи во 2034 година.
Идејата е да се подготви заедничка кандидатура со Србија и Словенија, а разговорите и подготовките веќе се во тек. Планот е секоја од трите држави да биде домаќин на по две групи од првата фаза, додека големото финале би се одиграло во белградската Арена, поради нејзиниот капацитет и инфраструктура.
Јосиф Дамјанов: Како да изградиш бренд што менува животи! 🚀💡 ↓↓↓
Доколку ова сценарио стане реалност, Македонија ќе го организира најголемиот ракометен настан во својата историја. Досега, земјава беше домаќин на Европското првенство во женска конкуренција двапати – самостојно во 2008 година и како ко-организатор со Словенија и Црна Гора во 2022 година.
Очекувањата се големи, а ракометната јавност со нетрпение ќе го следи развојот на оваа иницијатива.
Учество во игри на среќа е дозволено за лица со 18+ години. Играј одговорно!