Маестралниот Дончиќ ги уништи Јаникс и Милвоки, Јокиќ повторно до трипл-дабл! (Видео)

Словенечкиот мајстор Лука Дончиќ минатата ноќ повторно испорача неверојатна игра и ги водеше Лос Анџелес Лејкерс до убедлива победа против Милвоки Бакс.

Лејкерс уште на почетокот создадоа значителна предност и по првото полувреме водеа со 65:34, висока разлика, која Бакс не успеаја да ја надоместат.

Лејкерс ја задржаа контролата во втората половина од натпреварот и дојдоа до рутинска победа во дербито на вечерта. Дончиќ, како главен јунак, го заврши мечот со 41 поен, девет скока и шест асистенции.

Luka Doncic is as good as it gets. pic.twitter.com/2ZBIBJxjpm

— Legion Hoops (@LegionHoops) November 16, 2025

На спротивната страна, Јанис Антетокумпо постигна 32 поена и зеде 10 скока. За Лејкерс одличен беше и Остин Ривес со 25 поена, шест скока и осум асистенции.

Уште една одлична ноќ имаше и Никола Јокиќ, кој беше главниот јунак на Денвер Нагетс при нивната победа над Минесота Тимбервулвс со конечен резултат од 123:112.

Минесота беше во водство со 88:87 на почетокот на последната четвртина, но Нагетс со серија од 8-0 преобратија на 100:92 и Минесота не успеа да одговори.

Конечно, натпреварот заврши 123:112, а Јокиќ запиша уште еден трипл-дабл со 27 поена, 12 скока и 11 асистенции, а од игра имаше шут 8/15.

Фантастични беа и Арон Гордон, Тим Хардавеј помладиот и Џамал Мареј, сите со по 23 поена.