Лудница во НБА лигата. Индијана стигнаа до седмиот меч во финалето и се на чекор до историја

Кошаркарите на Индијана Пејсерс ја совладаа Оклахома Сити Тандер на свој терен (108:91) во шестиот натпревар од големото финале на НБА лигата.

Со ова, резултатот во серијата е израмнет на 3:3, што значи дека за прв пат од 2016 година ќе гледаме седми натпревар во финалето.

Да потсетиме, таа година Кливленд Кавалиерс ги совладаа Голден Стејт Вориорс и го освоија првенството.

Седмиот натпревар ќе се одржи во ноќта помеѓу недела и понеделник, во два часот наутро по македонско време.

Натпреварот ќе се игра во Оклахома, а без разлика кој ќе победи, ќе го освои првиот НБА шампионски наслов во својот историјат. Оклахома беше голем фаворит пред финалето, така што победата на Индијана би била мало чудо.

TYRESE.
REGGIE.

GAME 7 INCOMING. pic.twitter.com/dZORylwsQA

— NBA (@NBA) June 20, 2025