Легендите на Манчестер Јунајтед станаа единствени сопственици на англискиот четвртолигаш

Дејвид Бекам и Гери Невил го завршија преземањето на Салфорд, поранешните членови од „Класата ’92“ ги продадоа своите акции и го напуштија проектот што траеше со години.

Група играчи од Манчестер Јунајтед, „класата ’92“, го купија Салфорд уште во 2014 година. Сега клубот е во рацете само на двајца – Невил и Бекам, кои ги купија акциите од Ники Бат, Рајан Гигс, Фил Невил и Пол Скулс.

Во крајот од 2024 година се повлече и Питер Лим, кој до тогаш беше мнозински сопственик, така што сега клубот е целосно на Невил и Бекам.

Невил и Бекам мораа да најдат средства за оваа иницијатива, а ги најдоа во инвеститорите Деклан Кели – основачот на консултантската фирма Кансело, и лордот Мервин Дејвис, првиот човек на Тениската федерација на Англија.

Атлетик тврди дека инвестицијата е вредна 11 милиони фунти, плус 15 милиони фунти кои ќе бидат вложени во инфраструктурата на Салфорд и засилувања.

Кели и лорд Дејвис нема да имаат никаква активна улога во управувањето на клубот, а се очекува Бат, Гигс, Скулс и Фил Невил да имаат менаџерски улоги иако повеќе не се сопственици на акции.

Салфорд во првите пет години напредна за четири ранга, а сезоната 2024/25 им беше шеста последователна во Лига 2.

Фото: Salford FC/X