Легендарниот Сампаоли има нов клуб – ќе има плати од три милиони евра!

Познатиот аргентински тренер Хорхе Сампаоли го презеде бразилскиот Атлетико Минеиро.

Тимот од Бело Хоризонте мораше да реагира поради неочекувано слабите резултати, особено во домашното првенство, а ребус беше и елиминацијата од Купот на Бразил од Крузеиро.

По поразителните резултати, поранешниот стратег Кука доби отказ, додека Сампаоли доби задача да го крене тимот и да го стави во позиција за борба за високо пласман.

Сампаоли ќе работи за годишна плата од 3.000.000 евра.

Тој е тренер со богато искуство во работата со клубови и репрезентации.

Беше селектор на Чиле и Аргентина, а водеше и клубови како Севиља, Емелек, Сантос, Олимпик Марсељ, Рен, Фламенго…

Сампаоли веќе го предводеше Атлетико Минеиро во сезоната 2020/2021, и сега се враќа да помогне во тешката ситуација.

Аргентинецот добива екипа полна со искусни играчи, како што се Хулк, Густаво Скарпа, Дуду, Рејние, Алан Франко и неговиот сонародник Фаусто Вера. Сепак, ќе мора да се соочи и со сериозни финансиски проблеми и заостанати плати кои го оптоваруваат клубот.

Атлетико Минеиро, кој сега функционира како акционерско друштво, се уште е во игра во Копа Судамерикана, каде во четвртфиналето ги очекува Боливар од Ла Паз.