Претседателот на Барселона Жоан Лапорта призна дека сè околу новиот договор на големата ѕвезда на тимот Ламин Јамал е договорено. Останува само големиот талент, кој во јули ќе наполни 18 години, официјално да го потпише договорот.
„Тој е гениј кој ужива да игра за Барса, има пријатели во Барса и покрај тоа е дел од оваа генерација што навикнала да живее со своите соиграчи. Тој е фудбалер со извонреден индивидуален талент, но е и тимски играч и се чувствува комфорно. Има и агент, Жорге Мендеш, со кого имаме лесна комуникација. Обновувањето на неговиот договор на практика е веќе договорено, останува само ратификацијата.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Во Барса ги плаќаме играчите според нивните способности. Ние сме клуб кој добро плаќа. Исто така велиме дека нема подобро место од Барса. Ламин е играч кој може да успее секаде. Тоа го знаеме. И порано се случувало, кога Интер го сакаше Лео Меси. На крајот, сите решивме тогаш, заедно со таткото на Лео, дека Барса е најдобриот проект за него. И навистина беше така, затоа што тој стана најдобриот играч во историјата. Ламин, на 17 години, е еден од најдобрите во светот. Тој и неговото семејство се чувствуваат многу удобно тука“, изјави Лапорта.
Учество во игри на среќа е дозволено за лица со 18+ години. Играј одговорно!