Лапорт е свесен: Со Јамал зборувавме за платата – тој е посебен случај!

Јамал чиј актуелен договор со клубот трае до летото 2026 година и содржи откупна клаузула во износ од милијарда евра, се утврди како еден од најзначајните млади фудбалери во светот откако го продолжи договорот последен пат во 2023 година.

Двете страни постигнале договор дека шпанскиот репрезентативец ќе потпише нов договор кога ќе наполни 18 години во јули, но неговиот метеорски подем и позицијата во тимот ги сменија очекувањата за платата и договорните услови.

Одигра клучна улога во историската домашна тројна круна на Барселона оваа сезона – освојувајќи го Ла Лига, Кралскиот Куп и Суперкупот на Шпанија – како и во достигнувањето до полуфиналето на Лигата на шампионите.

Минатото лето Јамал учествуваше на сите седум натпревари за Шпанија на Европското првенство, кое и го освоија.

Тогаш беше прогласен за најдобар млад играч на турнирот, постигна гол на сезоната, беше најдобар асистент и се најде во идеалниот состав на првенството.

Јамал стана најмладиот играч кој некогаш настапил за Барселона, кога дебитираше на 15-годишна возраст во април 2023 година.

„Разговаравме и основите веќе се поставени“, изјави Лапорта за каталонската телевизија TV3 на прашањето за статусот на продолжувањето на договорот „Но, потписот сè уште го немаме, така што работата не е завршена, иако сè се движи во добар правец за клубот. Ламин е одлично момче, голем навивач на Барселона… Верувам дека е среќен во клубот“.

Лапорта призна дека платата на Јамал „мора да одговара на неговото значење“ и дека возраста на играчот не треба да биде ограничувачки фактор во тоа прашање.

„Тој е посебен случај, надвор од сите стандарди, и бара посебен пристап“, додаде Лапорта. „Сите играчи имаат постепен развој, но кај Ламин дојде до експлозија и тоа мораме да го третираме поинаку. Мораме да најдеме рамнотежа меѓу интересите на играчот и интересите на клубот. Што нам ни е важно е Јамал да остане со нас многу години – и верувам дека така и ќе биде“.