Легендарниот италијански фудбалер Фабио Канаваро повеќе не е тренер на загрепски Динамо, официјално потврдија „Модрите“.
Канаваро ја заврши кусата и катастрофална епизода на клупата на најтрофејниот хрватски клуб, кој под негово водство најверојатно и ќе ја прекине големата доминација во хрватскиот фудбал.
Традицијата продолжува, се трансформира - Pinko Crafts ↓↓↓
Италијанецот кон крајот на минатата година го презеде тимот по Ненад Бјелица со цел да ги подобри резултатите во првенството, но не успеа во тоа.
Динамо под негово водство во ХНЛ одигра десет натпревари, при што оствари пет победи, два нерешени и три порази. Пресуди поразот против Истра во Пула со резултат 3:0 минатиот викенд.
Во моментов Динамо заостанува пет бодови зад лидерот Хајдук и е извесно дека ги загуби шансите во борбата за титулата.
Фото: GNK Dinamo Zagreb
Учество во игри на среќа е дозволено за лица со 18+ години. Играј одговорно!