Колку е далеку Јувентус од некогашниот сјај, најдобро покажуваат деловните потези при селекцијата на тимот во последниве години. Разнишаниот гигант пристигна до состојба, во која ќе мора да плаќа на тројца тренери.
Назначувањето на Лучано Спалети е скоро договорено, што го прави третиот тренер за само една година, при што секој од нив добива плата. Минатата есен Тиаго Мота имаше долгорочен договор, пред тој да биде еднострано раскинат, поради што сè уште добива редовна плата, а истото важи и за отпуштениот вчера Игор Тудор.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Бидејќи Хрватот имаше договор до летото 2027 година, тоа значи дека „старата дама“ ќе продолжи да му плаќа, како и на Мота, додека не најде нова работа. Вкупно двајцата ќе го чинат клубот точно 26,4 милиони евра. Ако ја додадеме и платата на Спалети, која според шпекулациите, ќе биде околу 15 милиони евра, достигаме до сума над 41 милион. Премногу за секој тим, но тоа повеќе покажува колку ниско е паднато Јуве. И што е најлошо, прашање е колку долго ќе остане Спалети. Пред него е поставен договор до крајот на сезоната, но со автоматско продолжување за уште две години, ако го квалификува тимот за Лигата на шампионите.
Учество во игри на среќа е дозволено за лица со 18+ години. Играј одговорно!