#JustBurnIt: Американците масовно си ги уништуваат своите Nike патики – еве зошто

Сè повеќе Американци ги уништуваат своите Nike обувки и облека, а снимките од уништувањето ги објавуваат на интернет. Причината за тоа е гола политика.

Имено, со овој нивен деструктивен чин ти го изразуваат својот протест, бидејќи Nike, светски познат производител на спортска опрема, обувки и опрема, за својата најнова кампања го ангажираше Колин Кеперник, бивш играш на американски фудбал кој пред две години предизвика гнев кај американските десничари бидејќи остана да седи на клупата за играчи за време на изведување на американската химна.

Фудбалерот кој клечеше за време на изведувањето на химната

Кога Кеперник го прашаа зошто не станал за време на химната, изјави дека станува збор за негов чин на протест поради низата полициски убиства на невооружени црнци.

Фудбалерот цела сезона продолжи да клечи или седи за време на изведување на химната. Иако следната година не потпиша за ниту еден клуб, неколкумина други играчи на американски фудбал беа инспирирани и поттикнати од неговиот пример да продолжат со истата пракса.

Новата кампања на Nike, која беше иницирана во понеделникот вечерта, содржи фотографија од Кеперник со текст „Верувај во нешто. Дури и ако тоа значи жртвување на сè. #JustDoIt“ (Believe in something, even if it means sacrificing everything. #JustDoIt).

Believe in something, even if it means sacrificing everything. #JustDoIt pic.twitter.com/SRWkMIDdaO

— Colin Kaepernick (@Kaepernick7) September 3, 2018

Праксата на клечење за време на химната беше остро критикувано од американскиот претседател Доналд Трамп, кој утврди дека се работи за непочитување на американското знаме и војска.

Ги палат Nike патиките и повикуваат на бојкот на корпорацијата

Брзо после промовирањето на новата кампања на Nike, по социјалните мрежи почнаа да се појавуваат снимки од уништување на нивните патики од страна на корисниците, како и палење на обувките и облеката. На некои снимки се гледа палење на Nike патики, додека други одлучија да го исечат логото од Nike од нивните производи. Некои од револтираните корисници повикуваат на бојкот на Nike, а многу објави го вклучуваат и „хаштагот“ #JustBurnIt – игра на зборови која е насочена против слоганот на Nike, Just Do It.

.@Nike Due to your support of C.K. in your coming adds, I as an American can no longer support your company. #boycottNike #IStandForOurFlag pic.twitter.com/5JxSMD8SSO

— AlterAtYeshiva (@alteratyeshiva) September 4, 2018

Кантри пејачот Џон Рич на Твитер објави фотографија од својот техничар, кој го опиша како бивш маринец, кој од своите Nike чорапи го исече логото од брендот.

Our Soundman just cut the Nike swoosh off his socks. Former marine. Get ready @Nike multiply that by the millions. pic.twitter.com/h8kj6RXe7j

— John Rich (@johnrich) September 3, 2018

Еден тип во оган фрли еден куп Nike патики, ги поли со бензин и ги запали, за на крајот видеото гордо да го објави на Facebook.

Како што пишува Business Insider, не е познато дали оваа анти-кампања насочена против Nike ќе има било какво влијание на бизнисот на познатиот бренд и гигантската корпорација, која во последната фискална година пријави приходи од 34,5 милијарди долари.