Jaнчев за скандалозниот пенал: Вакво однесување на ФФМ е срамно и жално за македонскиот фудбал!

Бурно беше на денешниот натпревар во Кавадарци помеѓу домаќинот Тиквеш и Гостивар.

Гостивар водеше со 0:2, а Тиквеш во завршницата стигна до 2:2. Посебни реакции имаше поради пеналот од кој гостите го постигнаа вториот гол. Реакциите се и оправдани бидејќи навистина не е јасно како арбитрите оваа ситуација проценија како прекршок.

Со реакција по натпреварот се јави и градоначалникот Митко Јанчев кој и самиот влезе на теренот.

„После целиот “циркус” на фудбалскиот терен, сепак Господ е на страната на правдата. Иако имаше 2 исклучени играчи, ГФК Тиквеш 1930 го израмни резулатот на 2-2. Со ваквото однесување на ФФМ, кое е срамно и жално за македонскиот фудбал, се оди само во стечај. Иако резулатот е нерешен, ова за нас е победа против ФФМ и корумпираните судии“, објави Јанчев.