Фудбалерот на Галатасарај Мауро Икарди е на “излезната врата” на турскиот шампион и би можел кариерата да ја продолжи во Италија или Шпанија, пишуваат италијанските медиуми.
Истите извори наведуваат дека неговиот менаџер бил во контакт со Милан, Комо, Рома, Елче и Овиедо.
Street Workout Macedonia – Движење што гради сила, карактер и издржливост | Уште еден поткаст
Контроверзниот аргентински напаѓач веќе четири години игра за Галатасарај, за кој постигнал 69 гола и запишал 22 асистенции.
Со доаѓањето на Виктор Осимен, неговиот статус е променет, не е повеќе главна напаѓачка опција и сака да замине.
Иако оваа сезона на 21 натпревар постигнал осум голови, само шест пати бил во стартната постава. Бидејќи договорот со Галата му истекува на крајот од сезоната, можно е веќе во зимскиот преоден рок да премине во нов клуб.
Икарди во кариерата има настапувано и за Сампдорија, Интер и Пари Сен Жермен.
Учество во игри на среќа е дозволено за лица со 18+ години. Играј одговорно!