Готово: Јувентус го реши тренерското прашање за идната сезона.

Игор Тудор ќе ја води екипата на Јувентус и следната сезона. “Одлучивме да ја продолжиме соработката со Игор за Светското клубско првенство, но и за следната сезона, а се надевам и многу подолго,” изјави новиот генерален менаџер на Јувентус, Дамиен Комоли, на својата прва прес конференција.

Овој хрватски стручњак го презеде кормилото на тимот од Торино кон крајот на март и потпиша договор до крајот на сезоната, со услов дека ќе биде автоматски продолжен за една година ако избори пласман во Лигата на шампионите. Тудор успеа да го внесе Јувентус во најелитниот европски клупски турнир, но клубот сепак имаше можност да го раскине договорот со плаќање на надомест од милион евра.

Според италијанските медиуми, во одреден период се очекуваше ова да се случи и Антонио Конте да го преземе Јувентус, но Конте остана во Наполи. Во следните денови се шпекулираше за бројни имиња како можни наследници на Тудор, но сега е потврдено дека хрватот останува во клубот.

Во девет натпревари со Јувентус, Тудор оствари пет победи, три нерешени средби и еден пораз. Наредниот предизвик му е Светското клупско првенство, кое ќе се одржи во јуни и јули. Јувентус е дел од група со Манчестер Сити, Ал Аин и Видат Казабланка.