ФИФА на помалку еден месец до почеток исфрли судија од Мундијалот!

ФИФА презеде драстичен чекор пред претстојното Светско првенство, откако одлучи да го отстрани холандскиот судија Роб Диеперинк од листата на официјални лица за турнирот.

Диеперинк, кој требаше да биде ВАР судија на првенството во САД, Канада и Мексико, се најде под истрага од лондонската полиција поради пријава за наводен сексуален напад врз малолетник во Кројдон во април.

И покрај тоа што Метрополитенската полиција во Лондон по детална истрага, анализа на безбедносни камери и дигитални уреди ја затвори случајот бидејќи “немало доволен праг на докази”, ФИФА остана решителна.

“ФИФА може да потврди дека Роб Диеперинк е отстранет од листата на судии за Светското првенство”, беше објавено кратко за “The Athletic”.

Оваа одлука предизвика големо негодување во Холандија, а самиот судија изјави дека од самиот почеток бил целосно транспарентен со сите фудбалски организации.

FIFA has dropped Rob Dieperink from its list of World Cup match officials after he was arrested by the Metropolitan Police in April following allegations of sexual assault against an underage boy in London.

Dieperink, a Dutchman who had been selected as a VAR official for this… pic.twitter.com/Vmr2VQZ0lR

— The Athletic | Football (@TheAthleticFC) May 15, 2026

“Длабоко сум ожалостен што бев неправедно обвинет. Обвиненијата беа одбиени многу брзо по темелна истрага. ФИФА, УЕФА и КНВБ имаа целосна транспарентност од моја страна од самиот почеток. Се разбира дека сум разочаран што нема да бидам дел од Светското првенство”, изјави Диеперинк за холандскиот “De Telegraaf”.

Поддршката за својот судија ја изрази и Кралската холандска фудбалска федерација (КНВБ). Од федерацијата истакнаа дека се залагаат за безбедна и правична фудбалска култура, но исто така апелираа луѓето да не се судат предвреме, особено откако полицијата во Обединетото Кралство официјално го затвори случајот.