Енрике го фати за врат и го удри Педро, а потоа се „правеше луд“ пред камерите (Видео)

Многу чудна изјава даде тренерот на Пари Сен-Жермен по поразот на неговиот тим од Челси во финалето на Светското клупско првенство.

Челси во финалето на ова натпреварување со 3:0 го победи актуелниот европски шампион.

По натпреварот се видоа несреќни сцени, а камерите јасно го снимија лутиот Луис Енрике како најпрвин го фаќа за врат, а потоа и го удира напаѓачот на Челси, Жоао Педро.

Од друга страна, тој тврди дека се обидувал да ги раздели играчите за време на конфликтот што избувна откако судијата означи крај.

Во центарот на сето тоа беа Жоао Педро, Џанлуиџи Донарума и Ашраф Хакими, а во еден момент во сето тоа се вмеша и Луис Енрике.

„Немам проблем да признам како се чувствував по натпреварот во таков притисок. Сите сме под стрес. Тоа е невозможно да се избегне.

Сите беа вклучени. Тоа не е нешто добро, но сето тоа е резултат на притисокот што го носи овој натпревар.

Го видов тренерот на Челси Енцо Мареска како ги турка играчите. Моравме да ги разделуваме играчите и не знам како сè почна.

Ова се ситуации што треба да ги избегнуваме. Моја намера беше да ги разделам играчите за да не се влоши дополнително“, рече Енрике.

Грозни сцени на финалето на Светското клупско првенство!

💥 Тренерот на PSG Луис Енрике и голманот Џанлуиџи Донарума се појавија да го напаѓаат Жоао Педро од Челси по крајот на натпреварот. #FIFACWC #FIFAClubWorldCup2025 pic.twitter.com/UHQdxAz7nX

— DW Sports (@dw_sports) July 13, 2025