Eлмас во „трка со времето“: Вчера добил негативен, па позитивен тест

Репрезентативецот на Македонија, Елиф Елмас е во изолација поради позитивен тест на коронавирусот.

Елмас вчера направил два теста. Првиот тест покажал дека е негативен на вирусот, меѓутоа вториот бил позитивен па морал да остане во изолација, па затоа враќањето на терените е одложено.

Пред неколку дена Елмас доби позитивен тест и тоа за него беше втор пат од почетокот на пандемијата да се зарази со вирусот. Засега тој е неизвесен дали ќе биде во тимот за дербито со Јувентус кое се игра во четврток.

Во Наполи денес им завршува изолацијата на Петања и Малкуит кои беа во контакт со позитивно лице.