Дома Македонски спорт Мак баскет DUST CAFFE – Шампион на премиерната зимска 3×3 баскет лига

DUST CAFFE – Шампион на премиерната зимска 3×3 баскет лига

По четири квалификациски и еден финален турнир, премиерното издание на зимска 3х3 лига доби и свој шампион. Екипата на Dust Caffe, која беше најуспешна на три од четири квалификациски турнири, се закити со златниот медал на финалниот турнир одржан денеска во Скопје во салата СРЦ „Кале“.

Христијан Ристов, Милорад Миновски, Небојша Килијан и Марко Дујковиќ апсолутно издоминираа против Борче Митревски, Мартин Ристевски, Никола Талевски и Владимир Враниќ во рамки на финалниот натпревар кој заврши со резултат 21-10 (Dust Caffe – GODSENT GS). Третото место и припадна на екипата 3х3 Аеродром, во состав: Атанас Здравков, Благој Димитриев, Иван Ристевски и Стефан Кукуноски. Христијан Ристов од Dust Caffe беше прогласен и за најкорисен играч на финалето. Владимир Враниќ беше најуспешен во натпреварувањето во шут на ’двојки’.

Првопласираната екипа доби парична награда во висина од 2.000 евра како и слот за challenger турнир. Второпласираната екипа доби парична награда во висина од 1.000 евра додека третопласираната екипа доби парична награда од 500 евра. Најкорисниот играч доби Nike Jordan Retro 1, дизајнирани од Горан Мичиќ, а рачно нацртани од артистот Сатја Грабулоски (Swithadot), на тема “Кога Red Bull и баскетот стануваат едно“. Победникот во натпреварувањето во шут на ’двојки’ доби вредносен ваучер во висина од 100 евра.

За баскетот во Македонија, следи куса пауза, а потоа ново издание на летната лига.

Коментари
Прочитајте поврзани статии
Load More In Мак баскет

Проверете

Тажен ден за кошарката: Почина Војислав Зивчевиќ – Тумба

Синоќа, ненадејно, во 60. година од животот почина еден од најистакнатите македонски кошар…