Дуел кој се чекаше: Меси и Јамал ќе ги гледаме во ист натпревар!

Целиот свет е воодушевен од талентот на Ламин Јамал кој што многу наликува на Лео Меси, и сега пристигна една возбудлива вест.

Нема да ги видиме во ист тим, бидејќи во сегашниот контекст тоа е премногу нереално, но ќе ги гледаме како противници на теренот!

ФИФА потврди дека и овој пат ќе се одигра „Финалисима“, нешто како Суперкупот каде се среќаваат актуелните шампиони на Европа и Јужна Америка – односно Шпанија и Аргентина.

Интересно е тоа што Финалисима официјално постои уште од 1985 година, под името „Куп Артемио Франки“, но беше одржана само тогаш и во 1993 година, а потоа следеше пауза до 2022 година, кога се сретнаа Аргентина и Италија.

Аргентина има освоено два од трите трофеи, победувајќи ја Данска на пенали во 1993 и Италија со 3:0 во 2022 година. Првата Финалисима, односно „Купот Артемио Франки“, го освои Франција со победа над Уругвај во 1985.

ФИФА засега само потврди дека Шпанија и Аргентина ќе играат и четвртото издание на „Финалисима“, но точниот датум ќе биде дополнително соопштен во договор со федерациите на европските и јужноамериканските шампиони.

И сигурно е дека ќе биде многу интересно да ги гледаме Лео Меси и 20 години помладиот Ламин Јамал истовремено на теренот.