По ждрепката за Светското првенство 2026 во Канада, Мексико и Соединетите Американски Држави, стана познато дека Бразил ќе биде во групата Ц, каде што се уште Мароко, Шкотска и Хаити.
Селекторот на петкратните светски шампиони Карло Анчелоти оцени дека групата во која ќе играат е тешка и објасни зошто.
До кога ќе дишеме отровен воздух!? | Уште еден поткаст
„Мароко беше многу добар на претходното Светско првенство 2022 во Катар, каде стигнаа до полуфиналето, а Бразил беше елиминиран во четвртфиналето. Шкотска има многу силен тим. Ќе биде многу тешко“, оцени 66-годишниот Италијанец.
Главното прашање до популарниот Дон Карло беше врзано со најдобриот стрелец во историјата на Бразил – дали ќе смета на Нејмар?
„Ако Нејмар заслужи да игра на Светското првенство, односно ако е во форма и подобар од другите, ќе игра“, не се изјасни целосно Анчелоти, но подвлече со овие зборови:
„Никому ништо не должам.“
Учество во игри на среќа е дозволено за лица со 18+ години. Играј одговорно!