Чудна ситуација во Арсенал: Остварија рекорден приход, но пријавија загуби од 20 милиони евра

Сепак, не се работи за никакви злоупотреби.

Арсенал пријави загуба од 21,4 милиони евра во сезоната 2023/24, и покрај рекордните приходи од околу 745 милиони евра, објави клубот во финансискиот извештај.

Враќањето на лондонскиот клуб во Лигата на шампионите ги зголеми приходите, кои пораснаа од 564 на 745 милиони евра.

И сето тоа благодарение на учеството во елитното европско натпреварување зголемени се и приходите од ТВ правата за околу 86 милиони евра.

Сепак, платите на играчите и вработените се зголемија од 284 на 396 милиони евра во истиот период, што ги објаснува настанатите загуби.