Челси по потрошени 700 милиони евра за три години конечно најде „деветка“!

Од кога Американците се сопственици на Челси, потрошиле 700 милиони евра исклучиво на напаѓачи, и изгледа дека дури пред недела дена го нашле играчот кој ќе го заземе местото на центарфор во лондонскиот клуб, а тоа би можел да биде Бразилецот Жоао Педро (23), според британските медиуми.

Тој во вторникот ги постигна двата гола за Челси во победата од 2-0 против својот поранешен клуб Флуминенсе во полуфиналето на Светското клупско првенство. Педро во 18. минута со прецизен удар од врвот на казнениот простор ја погоди спротивната страна од голот, а во 56. минута ја пресече одбраната и ја испрати топката под самата греда за потврда на триумфот.

Педро, кој е висок 188 цм, пристигна во Челси пред една недела. “Сините” за него платија на Брајтон 63 милиони евра. Тој го помина младинскиот центар на Флуминенсе, а на 18 години се пресели во Вотфорд. Во летото 2023 година премина во Брајтон и во текот на двете сезони таму запиша 30 гола и десет асистенции.

Како што јавуваат британските медиуми, во натпреварот против Флуминенсе имал извонредни 26 допири со топката, од кои 19 на половината на противникот. Дополнително, се нагласува дека вешто наоѓал празни простори во противничката одбрана, особено на страните, со што им овозможувал на своите соиграчи да се приклучат на напади од задни позиции.

“Ова е како сон. Стигнав во Челси пред само една недела, успеав да постигнам гол и сега ќе играм во финалето на Светското клупско првенство. Повеќе од ова не може,” изјави Педро по полуфиналната средба.

Американскиот милијардер Тод Боли, кој е совладел и бејзбол тимот LA Dodgers, презеде контрола над Челси во мај 2022 година. Поради санкциите против Русија по инвазијата на Украина, рускиот тајкун Роман Абрамович беше принуден да го продаде англискиот клуб кој во негово време стана двапати шампион на Европа и пет пати ја освои Премиер лигата. Во последните три години, Челси прими дури 19 напаѓачи и за нив потроши 700 милиони евра, но изгледа дека вистинскиот погодок е токму со Педро.