Бразилка ја воодушеви публиката: Заигра во петтиот месец од бременоста и доби силни овации

Бразилската одбојкарка Присила Оливеира Хелдес ја привлече вниманието на светската јавност бидејќи дури и во петтиот месец од бременоста играше на натпреварот за својот Флуминенсе во шампионатот на Бразил.

Хелдес се појави во четвртфиналната серија на разигрувањето на бразилското првенство и блескаше на својата позиција како техничар, на која своевремено играше и за репрезентацијата на Бразил.

Mãe! 🤰

Pri Heldes, grávida de 5 meses, comanda os levantamentos do Fluminense e dá um show nas defesas. 👶#VoleiNoSportv

pic.twitter.com/8NqJsVwR9k

— QG do Vôlei (@QGdoVolei) April 10, 2025

Со своите фантастични потези, 33-годишната Бразилка ја крена публиката на нозе, иако нејзиниот труднички стомак е веќе забележлив на прв поглед.

Нејзиниот Флуминенсе сепак испадна од плејофот, бидејќи Сеси-Бауру со 2:1 ја доби оваа четвртфинална серија и се пласираше во полуфиналето.

Pri Heldes grávida de 5 meses defendendo desse jeito MALUCA #VoleiNoSporTV pic.twitter.com/DDKRT3vxHR

— junior (@jvniorgm) April 10, 2025

Инаку, Хелдес е во врска со бразилскиот кошаркар Веслијем Кастро, со кој често објавуваат фотографии на социјалните мрежи.
Фото: Пртинскрин