Дефанзивец на Реал остана без возачка, го возел своето Порше пијан!

Младиот дефанзивец на Реал Мадрид, дваесет и тригодишниот Раул Асенсио, пак се најде во центарот на скандал поради кршење на законот.

Средината на минатиот месец, полицијата на Канарските острови го запрела овој фудбалер додека управувал со своето Porsche под силно влијание на алкохол.

По тестирањето на алкохол, било утврдено дека има дури 1,9 промили во крвта, што е многу над шпанската законска граница од 0,5 промили.

Поради овој сериозен сообраќаен прекршок, Асенсио неодамна беше казнет со парична глоба од 14.400 евра.

Покрај високата парична казна, надлежните власти му ја одзедоа возачката дозвола за период од осум месеци.

Real Madrid defender Raul Asencio has been convicted of driving while nearly four times over the legal alcohol limit.

Asencio, 23, admitted to driving while under the influence of alcohol during a trial at the High Court of Justice of Las Palmas de Gran Canaria on August 19. He… pic.twitter.com/KQl34yZkXJ

— The Athletic | Football (@TheAthleticFC) September 2, 2026

Иако минатата сезона беше значаен дел од тимот со 34 настапи, два гола и една асистенција, неговата кариера сега се наоѓа во сериозна опасност.

Возењето под дејство на алкохол не е негов единствен, а ниту најголем правен проблем во овој момент.

На четврти и седми септември се очекува продолжението на судењата за тешки обвиненија за детска порнографија.

Овој загрижувачки случај датира од пред три години, кога Асенсио, заедно со уште тројца негови колеги од младинскиот погон, снимале и преку апликацијата WhatsApp делеле материјали од интимни односи со најмалку две малолетнички.

Ако судот ги уважи барањата на обвинителството, секој од обвинетите фудбалери може да помине четири години и седум месеци зад решетки.