Бојан Миовски доби место помеѓу најдобрите во Шкотска!

Македонскиот напаѓач Бојан Миовски зад себе го остави еден од највпечатливите викенди откако пристигна во редовите на Ренџерс, одигрувајќи партија што без сомнеж е неговата најдобра во шкотскиот гигант.

Ренџерс славеше убедливо со 0-3 на гостувањето кај Килмарнок, а Миовски беше главниот актер на мечот. Со двата рани погодоци токму тој го трасираше патот кон новиот триумф и ја постави основата за сигурниот излез на неговиот тим.

За клуб кој ја почна сезоната катастрофално, ова е шеста победа во актуелното првенство, резултат што ги искачи „плавите“ до четвртата позиција на табелата.

Освен Миовски, место во идеалниот тим на колото најдоа и: Џорџ, Мулиган, Халкет, Фреклтон, Кутрумбис, Девлин, Оучике, Барон, Брага и Бови.