Баерн е шампион. Кејн конечно освои титула

Две кола пред крајот, по нерешениот натпревар на Леверкузен во Фрајбург, Баерн дефинитивно ја освои титулата првак на Германија.

Баерн ја пропушти првата меч топка во саботата, одигра нерешено против Лајпциг на гости. Но, ден подоцна стана јасно дека тимот од Минхен ќе стане шампион на Германија.

Леверкузен имаше шанса да ја продолжи неизвесноста барем уште една недела, но освои само бод во Фрајбург – 2:2.

По исходот на натпреварот во Фрајбург, стана јасно дека Баерн ја освои својата 34-та титула во Бундеслигата. Ова е 12-та титула во последните 13 години, доминацијата на Баварците ја прекина токму Леверкузен минатата сезона.