Артета: Да се откажеме од битката за титулата? Само преку мене мртов!

Тренерот на Арсенал, Микел Артета, истакна дека неговиот тим нема да се откаже од борбата за титулата во Премиер лигата.

Арсенал на последниот одигран натпревар, на 22 февруари, беше поразен од Вест Хем на домашен терен со 1:0, што ги одалечи од првото место и трката за титулата.

На лондонскиот тим му остануваат уште 12 натпревари до крајот на сезоната, имаат една натпревар помалку од Ливерпул, кој е првопласиран на табелата со 11 бодови предност.

Сè уште се во трката, но Ливерпул има голема предност, која ретко би можел да ја изгуби. Сепак, за Артета важи дека нема откажување.

“Не се откажуваме од борбата за титулата. Само преку мене мртов може да се случи тоа., истакна шпанскиот стратег и потоа дополнително објасни “Ако престанам да верувам, одам дома момци. Математички е сè уште возможно“.

Арсенал во среда игра против Нотингем Форест, додека лидерот Ливерпул ќе го пречека Њукасл.