Арсенал го купува „кралот на асистенциите“ и гради шампионски тим

Како што стојат работите, Арсенал полека се збогува од борбата за титулата со Ливерпул, а најголемата грешка ја направија во јануари кога не доведоа ниту едно засилување.

На сите им беше јасно дека Арсенал треба напаѓач, но Артета и раководството на тимот од Лондон, од некоја причина, мислеле поинаку и очигледно е дека направиле голема грешка.

Наводно, раководството на Арсенал заедно со Артета започнале да подготвуваат планови за следното лето кога станува збор за доаѓања, но и заминувања.

Според извештаите, Арсенал е во напредни преговори со ѕвездата од Белгија Максим де Куjпер, и тој наредното лето би требало да им се придружи на „Топчиите“.

Како што пренесува „TEAMtalk“, нивните извори тврдат дека Арсенал е подготвен за жесток преоден рок во кој ќе има многу доаѓања, но и голем број заминувања од Емирати.

Така, според пишувањата на англиските медиуми, следното лето во Арсенал ќе дојде нов напаѓач, ново лево крило, нов играч од средниот ред, нов лев бек и нов голман.