Aкадемија Пандев се засили со поранешен младинец на Гетафе

Академија Пандев потврди две нови засилувања пред почетокот на сезоната.

Нови играчи на струмичкиот клуб се Бакр Абделаоуи и Андија Секулиќ.

Бакр игра на позицијата лево крило и има 24-години. Ја има поминато младинската школа на Гетафе, а во својата сениорска кариера има настапувано за вторите тимови на Легањес и Алкоркон, а во Академија Пандев доаѓа од тимот на Љунгскиле од Шведска.

Секулиќ има 19 години и игра на позицијата  централен дефанзивец. Последен клуб за кој настапувал е тимот на Слога Краљево. И двајцата фудбалери се со тимот од почетокот на припремите и веќе имаат одиграно неколку пријателски натпревари, па стручниот штаб даде зелено светло за нивен ангажман.