Видео: Арсенал со „петарда“ го испрати Венгер, Челзи поблиску до ЛШ

После цели 22 години „Професорот“ се прости од навивачите на Арсенал, а фудбалерите го почестија со 5 гола. Челзи го доби дербито со Ливерпул.

Пред мечот играчите на двата тима направија шпалир за Венгер, а навивачите го поздравија со големи овации.

„Топџиите“ беа расположени денес и со високи 5:0 го победија Барнли, за фештата на „Емирати“ да биде комплетна.

Челзи го доби дербито со Ливерпул со 1:0, а херој за „сините“ беше Оливие Жиру. Со оваа победа Челзи дојде на само три бода од „црвените“ и два од Тотенхем, но има и меч помалку.

Во последните кола битката за ЛШ ќе биде исклучително интересна, па еден од споменатите три клуба сигурно ќе остане без пласман.