ВИДЕО: Малиот Де Брујн зборува за соновите – Во неговата глава имало САМО ЕДЕН клуб!

Не е како што се планира, туку како што е судено. Тоа го знае и играчот за врска на Манчестер Сити, Кевин Де Брујн.

На интернет се појави интересно интервју на Кевин Де Брујн уште во времето кога беше во белгискиот клуб Гент, а тогаш и не сонувал дека еден ден ќе го облече дресот на Манчестер Сити. Напротив, неговиот сон бил Ливерпул, а идолот Мајкл Овен.

„Мојот омилен тим е Ливерпул. Мојот омилен играч е Мајкл Овен и би сакал да играм таму“, беше краток, но јасен Де Брујн.

Во тоа време, Манчестер Сити и не беше на фудбалската мапа на светот, но во меѓувреме богатиот арапски сопственик ги превзеде „Граѓаните“ и Сити денеска е клуб кој може да си го дозволи секој играч кој ќе го посака. Потсетуваме, Де Брујн пред Сити играше и за Челзи, а меѓу нив беше и член на Волфсбург. Тој денеска е еден од најдобрите играчи на тимот на Пеп Гвардиола, а секако е и неизбежен член во првиот тим.