По заминувањето на Араухо: Уште едно неочекувано заминување од Барселона во Премиер Лигата?!

Роналд Араухо неочекувано ја напушти Барселона и премина на позајмица во Ливерпул, а патот кон Островот може да го следи и Жил Кунде.

Според информациите од Каталонија, Французинот е меѓу играчите кои повеќе не се недопирливи и Барселона сериозно би разгледала понуди за него.

Кунде досега беше задоволен во Барселона, но наводно сега дошло до недоразбирања со Ханси Флик. Причината е што повторно се споменува дека Барселона бара нов стопер, а Кунде се понудил да се врати во срцето на одбраната каде што играше додека беше во Севиља.

Подоцна се профилираше како десен бек, на таа позиција го користеше и селекторот на Франција Дидије Дешан, затоа веројатно Флик има свои причини зошто би сакал да доведе нов стопер.