Инфантино свика итен состанок по жестоките критики

Претседателот на светската фудбалска организација е под напади од речиси сите страни, вклучително и од самата организација

Џани Инфантино закажа итен состанок со највисоките раководители на ФИФА во Рабат, оваа среда, пренесуваат британските медиуми. Оваа одлука се донесе по новиот бран силни критики за неговиот план да ги продаде комерцијалните и оперативните активности на организацијата, познат како “FIFA Forward Enterprise”.

Отпорот кон планот на Инфантино стана јасен од изјавите на истакнати личности како што се Арсен Венгер, шефот за глобален развој на фудбалот во ФИФА, Матијас Графсторм, генералниот секретар и принцот Али, претседателот на Фудбалската федерација на Јордан.

Венгер, кој е на таа функција од 2019 година, јавно се дистанцира од контроверзниот предлог. Во изјава објавена преку ФИФА, поранешниот тренер на Арсенал истакна дека поништувањето на планот е „апсолутно потребно и неопходно“.

Поранешниот тренер на Арсенал претходно го поддржа предлогот на Инфантино за одржување на Светското првенство на секои две години и е еден од 18 функционери на ФИФА кои беа споменати во писмото што го испрати УЕФА, со што се заканува со правни постапки.

Од друга страна, принцот Али, кој двапати се кандидираше за претседател на ФИФА, исто така го осуди инцидентот каде што на јорданските навивачи со купени билети им беа одбиени визи за Соединетите Американски Држави, спречувајќи ги да присуствуваат на дебито на нивната репрезентација на Светското првенство.

Графсторм, генералниот секретар на ФИФА од 2024 година, ги опиша настаните од минатата недела како „низа тажни и за осуда случувања“ во интерен меморандум испратен до вработените. Инфантино го закажа овој состанок за да се соочи со овој бран критики, потсетувајќи дека во март 2017 година ќе се одржат претседателските избори на ФИФА, а до овој момент, нема официјален кандидат кој би се спротивставил на швајцарскиот функционер.