Костјук победи во украинското дерби на Ролан Гарос, па се расплака (Видео)

Украинската тенисерка Марта Костјук успеа да се пласира во полуфиналето на Ролан Гарос, откако денеска во Париз ја совлада својата сонародничка Елина Свитолина со резултат 6:3, 2:6, 6:2.

Мечот траеше еден час и 49 минути. Костјук е на 15. место на светската ранг-листа, додека Свитолина се наоѓа на седмата позиција според WTA.

Во полуфиналето во Париз, Костјук ќе игра против Русинката Мира Андрејева, која денес претходно во четвртфиналето беше подобра од Романката Сорана Кирстеа со 6:0, 6:3.

Останатите две четвртфинални дуели на Ролан Гарос ќе се играат утре, а ќе се соочат Арина Сабаленка (Белорусија) – Дијана Шнајдер (Русија) и Ана Калинска (Русија) – Маја Хвалинска (Полска).

Марта Костјук во солзи откако ја победи Елина Свитолина и се пласираше во нејзиното прво полуфинале на Грен слем на Ролан Гарос.

Прекрасен момент. 🥹
pic.twitter.com/A3LZ3fwM9i

— The Tennis Letter (@TheTennisLetter) June 2, 2026

МАРТА КОСТЈУК Е ПОЛУФИНАЛИСТКА НА ГРЕН СЛЕМ! pic.twitter.com/gKwN456hEz

— Bastien Fachan (@BastienFachan) June 2, 2026