На бизарен начин, Арсенал ја загуби очекуваната победа против екипата на Волвс, последно пласираната тим во Премиер лигата. Иако беа во водство со два гола разлика, Топџиите на крајот успеаја само да извлечат 2:2, поставувајќи негативен рекорд во историјата на англиското првенство.
Предноста од два гола не беше доволна
Се чинеше дека водечката екипа во лигата лесно ќе си ги земе трите бода. Арсенал поведе уште во петтата минута благодарение на голот на Букаjо Сака, а кога Пиеро Хинкапије ја удвои предноста во 56-та минута, победата изгледаше скоро загарантирана. Но, Волвс не се откажаа така лесно.
До кога ќе дишеме отровен воздух!? | Уште еден поткаст
Само пет минути по вториот гол од Арсенал, Хуго Буено намали на 2:1, што им создаде нервозна завршница на гостите. Домаќините продолжија со инспирирана игра и во четвртата минута од судиското надополнување, младиот Том Едози изедначи на 2:2.
Загубата на бодови во трката за титулата им дојде тешко на играчите на Артета, особено на бразилскиот напаѓач Габриел Хесус кој во финишот на натпреварот силно го турна колумбиецот Јерсон Москера од Волвс, соборувајќи го на земја. „Како ова не е црвен картон? Огромна грешка од страна на Габриел Хесус“, напиша еден навивач на социјалната мрежа X. Хесус за неговото дејствие доби жолт картон.
Како ова не е црвен картон??? Огромна грешка од Габриел Хесус 🤮 #wwfc pic.twitter.com/rcEyjqpThO
— 𝖔𝖑𝖎 (@dxrrp2) February 18, 2026
Учество во игри на среќа е дозволено за лица со 18+ години. Играј одговорно!